AOWLIYA ALLAH KE MAZAAR UONCHE BANANA JAAYEZ HAI :-

~ AOWLIYA ALLAH KE MAZAAR UONCHE BANANA JAAYEZ HAI ~

Pyare islami bhaio aur bahno,waqt nikal kar is post ko jarur padhe aur dusare tak bhipahuchaye aur apne imaan ki hifazat karen
WAHABIYO KA MAZAARAAT E AULIYA ALLAH PAR IMAARAAT KE AITRAAZ KA JAWAB

** Sawal-1- mishkaat baabuddafan(page.148) me hai :- Abu hayaaz Asadi se marwi hai ki mujh se Hazrat Ali Radi Allahu ta'ala Anhu ne farmaya ki kya me tumko is kaam par na bheju ! Jis par mujhko HUZOOR SALALLAHU TA’ALA ALAIHI WASALLAM ne bhejaa tha wo ye ki tum koi tasweer na chhodo magar mitaa do !aur na koi Oonchi Qabr magar usko barabar kar do !

** Sawal-2-Bukhari zild doum kitaabul- janaaiz baabul-zaride Alal- Kabre ! (page.181)me hai :- Ibne Umar Radi Allahu ta'ala Anhu ne Abdurrahman ki Qabr par kubba khema dekha ! Lihaaja Aapne farmaya ki Aye Ladke Isko Alaahidaa kar do ! Kyo ki Un Par Unke Amal Saaya kar rahe hai in dono hadiso se malum hua ki Agar kisi Qabr par imaarat bani ho ya ki Qabr unchi ho to usko gira dena chaahiye !

'Note :-  is hadith ko Aadh banaa kar najdi wahabiyo ne sahaba e qiraam aur ahle bait ke mazaaraat ko gira kar zamin ke baraabar kar diya !

** JAWAAB ** Jin Qabron ko gira dene ka hazrat Ali radi Allahu ta'ala anhu ne hukm diya hai wo Kuffaar ki Qabren thin ! Na ki muslemin ki ! Iski chand wajahe hain !

Awwalan to ye ki hazrat Ali radi Allahu ta'ala anhu ne farmaya ki me tumko us kaam ke liye bhejta hu jiske liye mujhe HUZOOR SALALLAHU TA’ALA ALAIHI WASALLAM ne bheja tha !

HUZOOR SALALLAHU TA’ALA ALAIHI WASALLAM ke zamane me jin ki Qabro ko hazrat Ali ne giraya wo musalmano ki Qabrein nahi ho sakti ! Kyo ki har sahaabi ke dafan me HUZOOR SALALLAHU TA’ALA ALAIHI WASALLAM shirakat farmate the ! Aur sahaba kiraam koi kaam bhi HUZOOR SALALLAHU TA’ALA ALAIHI WASALLAM ke bagair mashwara ke na karte the.

lihaaja us waqt jis kadar kubur e muslemin bani woh ya to HUZOOR SALALLAHU TA’ALA ALAIHI WASALLAM ki moujoodgi me ya Aapki ijaazat se !

To wo kon se musalmano ki Qabren thi jo ki najaayez ban gayi aur unko mitana pada ! Haan, isaai ki kubur unchhi hoti thi !
Bukhari sharif me masjid e nabwi ki taamir ke bayaan me hai !

HUZOOR SALALLAHU TA’ALA ALAIHI WASALLAM  [FATHUL-BAARI ZILD DOUM PAGE.260] ME FARMATE HAIN-

Kya jaahiliyat ke mushrekin ki Qabrein ukhed di jaayen (baab) farmate hai yaani ma siwa ambiya aur unke muttabaeen ke kyo ki unki kabrein dhane me unki touheen hai !

Dusri jagah farmate hai “Is hadith me is par dalil hai ki jo kabristaan mulk me Aa Gayaa usme tasarruf karnaa jaayez hai aur purani Qabrein ukhaad di jaaye ba sharte ki izzat wali na ho” !

Is hadith aur iski sharah ne mukhalif ki pesh karda hadith- Ali radi allahu ta'ala anhu ki tafseer kar di ! Ki mushreek ki Qabrein giraai jaaye. dusre isliye ki isme Qabr ke saath Photo ka kyo zikr hai musalaman ki Qabr par Photo kaha hota hai ?

Maalum hua ki kuffar ki Qabrein hi muraad hai kyoki unki Qabron par mayyat ka photo bhi hotahai !

Tisre isliye ki farmaate hai ki unchi Qabr ko zameen ke baraabar kar do ! Aur musalman ki Qabr ke liye sunnat hai zamin se ek hath unchi rahe ! Usko bilkul paiwand zamin karma khilaaf e sunnat hai !

Maan na padenga ki wo kubur e kuffar thi warna ta'ajjub hai ki Seyyadna Ali to unchi qabrein ukhadwaayen aur unke farzand
muhammad ibne hanfiya ibne abbas radi Allahu ta'ala anhuma ki Qabr par kubba banaayen !

Agar kisi musalman ki kabr unchi ban bhi gayi ! Tab bhi usko nahi ukhaad sakte kyo ki usme musalman ki touheen hai ! Awwalan unchi na banaao ! Magar jab ban jaaye to na mitaao !

Quraan paak chota size chhapna mana hai ! Dekho shaami "kitaabul –karaahiyat" magar jab chhap gayaa to usko na faiko na jalaao kyo ki isme Quraan ki be adabi hai !

Ahaadis me warid hai ki musalman ki Qabr par baithna waha joota se chalna waise bhi us par chalna fhirna mana hai !

Magar afsos hai ki najdi ne sahaaba qiraan ke mazaarat giraaye.

aur malum huwa hai ki ab jeddah me angrez isaai ki unchi-unchi Qabrein barabar ban rahi hain "SADQA RASULALLAH SALLALLAHU ALAIHI WA SALLAM YAKTULUNAA AHLAL-ISLAAM E WA YATRUKUNAA AHLAL- ASNAAM" Har ek ko apni jins se muhabbat hoti hai.

Hazrat ibne Umar radi allahu ta'ala anhu ki hadith se sanad laana mahaj bejaa hai ! Wo to khud farma rahe hai ki maiyyat
par aamaal ka saayaa kaafi hai jis se maalum hua ki agar maiyyat par saaya karne ke liye kubba banaaya to manaa hai !
Zaaireen ke aaraam ke liye banaaya to jaayez hai! Aeni sharah bukhari isi hadith ke matahat farmate hai !

Idhar ishaara hai ki Qabr par sahih garaz ke liye khema lagana jaise ki zindo ko dhup se bachane ke liye na ki maiyyat
ko saaya karne ke liye jaayez hai ! Mazaaraat par imaarat bahut fayeda mand hai !

Tafseer e ruhul-bayaan para 26 sur:fatah zere aayat" Iz yubaaeunaka tahatasshazarat e"

ki baaz log kehte hai ki chunki aaj kal log Auliya ALLAH ki Qabron ki taazim karte hai lihaaza ham in Qabro ko giraayenge taaki ye log dekh le ki Auliya ALLAH me koi Qudarat nahi hai ! Warna wo apni Qabron ko girane se bachaa lete !

To jaan lo ki ye kaam khalis kufr hai firoun ke is koul se maakhuz hai ki chhod do mujhko me moosa ko Qatal kar du wo apne khuda ko bulaa le me khouf karta hu ki tumhara din badal dega ya zamin me fasaad faila dega !

Aaj ye wahabi gair muqallid ahle hadees kehte hai ki agar Auliya allah ya sahaba e Kiraam me kuch taaqat  thi to Saudi hukumat se apni Qabron ko kyon na bachaaya ? Maalum hua ki mahaj murde hai phir unki taazim wa to’ukeer kaisi ?

Ham ye kehte hai ki HUZOOR SALALLAHU TA’ALA ALAIHI WASALLAM se pehle kaaba mu'azama me 360 boot the aur ahaadis me hai ki ankarib qayaamat ek shakhs kaaba sharif ko gira dega !

Laahor me masjid shaheed ganj sikhon ka guru dwaraa ban gayi !

Bahut si masjid hai jo ki barbaad kar di gayi to agar hindu kahe ki agar ALLAH me taakat thi to usne apna ghar
hamare hatho se kyo na bacha liya ?

Auliya ALLAH ya unki makaabir ki taazim unki mehboobiyat ki wajah se ki jaati hai na ki mahaj qudarat se ! Jaise ki masaajid aur kaaba mu'azama ki taazim.

ibne mas'ood ne bahut si masjide gira di jaise ki masjid seyyadna bilaal, kohe safaa wagaira wagaira Mashaikh e kiraam     auliya e Izaam Aulma e Kiraam ke mazaarat ke ird-gird ya uske qarib me koi imaarat banana jaayez hai iska subut Quran
Kareem aur Sahaba e Kiraam wa Aammatul-muslemeen ke amal aur Aulma ke aqwal se hai!

Quran e Kareem ne ashaab e kahaf ka kissa bayaan farmate huye farmaya ! "kalallazina galabu ala Amrehim lantakhezanna Alaihim masjidan" woh bole jo is kaam me gaalib rahe ki ham to un as'haabe kahaf par masjid banaayege Ruhul bayaan me is Aayat me "buniyaanan" ki tafseer me farmaya Yaani unhone kaha ki as'haabe kahaf par aisi diwaar banaao jo unke Qabr ko ghere aur unke mazaaraat logo ke jaane se mahfuz ho jaaye jaise ki HUZOOR SALALLAHU TA’ALA
ALAIHI WASALLAM ki Qabr sharif chaar diwari se gher di gayi hai ! Magar ye baat naamanzur huyi tab masjid banayi gayi !

masjidain ki tafsir  Qura’an ruhul bayaan me hai "yusalli fihil-muslemuna wa yatbarrukuna bemakanehim" log isme namaz padhe aur unse barkat len !

Quraan kareem ne un logo ki do baaton ka zikr farmaya ek to as'haabe kahaf ke gird kubba aur makbarah banane ka mashwara  karna !

Dusre unke karib masjid banana aur kisi baat ka inkaar naa farmayaa jis se malum hua ki dono fail jab bhi jaayez the aur ab bhi jaayez hai ! Jaisa ki kutube usul se saabit hai ki "sharae Qablinaa yalzemuna" HUZOOR SALALLAHU TA’ALA ALAIHI
WASALLAM ko hazrat siddika ke huzre me dafan kiya gaya agar ye naajaayez tha to pehle sahaaba e kiram isko giraa dete fir dafan karte!

Fir hazrat e umar radi allahu ta'ala anhu ne apne zamana khilaafat me uske gird kachchi Inton ki gol diwaar khinchwa di fhir walid ibne abdul-malik ke zamana me seyyadna ibne zubair ne tamam sahaba qiraam ki moujoodagi me 88 hijri me is imaarat ko nihaayat majboot banaaya ! Aur usme patthar lagwaye !

Bukhari “zild awwal kitaabul- zanaai z aur mishkat baabul-buka alal-meyyat” me hai ki hazrat imam hasan ibne hasan ibne Ali radi allahu ta'ala anhu ka Inteqal ho gaya ! "zarabat Imraatuhul-kubb ata alaa kabrehi santan" to unki biwi ne unki Qabr par ek saal tak kubba daale rakha ! Ye bhi sahaaba e kiraam ke zamana me sabki moujodagi me hua kisi ne
inkaar na kiya aur unki biwi ek saal tak waha rahi fir ghar wapas aayi !

jaisa ki is hadith me hai is se buzurgon ki Qabro par mujaawiro ka baith na bhi saabit hua !

Auliya allah "SHA'AAIRILLAH"  HAI aur "SHA'AAIRILL AH"  KA adab Jaruri hai.. ab is jawab ke baad bhi kisi wahaabi ko samajh me naa aaye to fir usko 440 watt ka dimaag me jatka denaa padenga ALLAH Ne apne  HUZOOR SALALLAHU TA’ALA ALAIHI WASALLAM ke sadke me ise qubool farmaye mere liye kaffaara e saiyat aur sadka zariya banaaye musalamano ke liye ise naafe banaaye… Ameen Summa Ameen….…….. Dua Mein KHaas Yaad Rakhiyega……..…..